ဗိုလ်ချုပ်မှူးကြီး မင်းအောင်လှိုင်

(၂၀၂၅ ခုနှစ်၊ ဒီဇင်ဘာလ ၁၉ ရက်) ချစ်ခင်လေးစားအပ်ပါသော မိဘပြည်သူများနှင့် ကရင်တိုင်းရင်းသား ညီအစ်ကို မောင်နှမများခင်ဗျာ ယနေ့ ခရစ်နှစ် ၂၀၂၅ ခုနှစ် ဒီဇင်ဘာလ (၁၉) ရက် ကရင်သက္ကရာဇ် (၂၇၆၅)ခုနှစ်၊ မြန်မာသက္ကရာဇ် ၁၃၈၇ ခုနှစ် ပြာသိုလဆန်း (၁)ရက်နေ့သည် ကရင်တိုင်း ရင်းသားညီအစ်ကိုမောင်နှမများ အမြတ်တနိုးတန်ဖိုးထားသည့် ကရင်အမျိုး သားနှစ်သစ်ကူး နေ့ထူးနေ့မြတ်ဖြစ်ပါသည်။ ယခုကဲ့သို့ ကရင်အမျိုးသားနှစ်သစ်ကူးနေ့အခါသမယတွင်   ကရင်တိုင်းရင်းသားများ အပါအဝင်မိဘပြည်သူတိုင်းရင်းသားညီအစ်ကိုမောင်နှမများအားလုံးကိုယ်စိတ်နှစ်ဖြာကျန်းမာချမ်းသာပြီး ကျက်သရေမင်္ဂလာအပေါင်းနှင့် ပြည့်စုံကြပါစေကြောင်း ဆုမွန်ကောင်းတောင်းလျက် နှုတ်ခွန်းဆက်သအပ်ပါသည်။ ကရင်တိုင်းရင်းသားတို့၏  နှစ်သစ်မင်္ဂလာ နေ့ထူးနေ့မြတ်အချိန်အခါကို ယခုလို နှစ်စဉ် ပြာသိုလဆန်း(၁)ရက်နေ့တွင် ပျော်ရွှင်ကြည်နူးစွာဆင်နွှဲကြပြီး ထိုနေ့ကို နိုင်ငံတော် အစိုးရက မြန်မာတစ်နိုင်ငံလုံးတရားဝင်ရုံးပိတ်ရက်အဖြစ် လေးစားဂုဏ်ပြု သတ်မှတ် ပေးထားပါသည်။ နှစ်သစ်ကူးနေ့ကို ကောင်းမြတ်သောနေ့၊ မင်္ဂလာရှိသောနေ့ဟု အဓိ ပ္ပာယ်ဖွင့်ကြပြီး နှစ်ဟောင်းကုန်၍ နှစ်သစ်ကိုကူးပြောင်းသည့် ကရင်နှစ်သစ်ကူး အချိန်အခါသမယမှသည် နှစ်သစ်အတွက် ကရင်တိုင်းရင်းသားတို့သည် စိတ်သစ် လူသစ်ဖြင့် လန်းဆန်းတက်ကြွနေမည်ဟု ယုံကြည်ပါသည်။ ချစ်ခင်လေးစားအပ်ပါသော  မိဘပြည်သူ  တိုင်းရင်းသားညီအစ်ကို မောင်နှမများခင်ဗျာ ပြည်ထောင်စုသမ္မတမြန်မာနိုင်ငံအတွင်း     မှီတင်းနေထိုင်ကြသည့် တိုင်းရင်းသား များသည် တစ်ဦးနှင့်တစ်ဦး  ဓလေ့ထုံးစံများမတူကွဲပြားခြားနားကြသော်လည်း  တိုင်းရင်း သားမျိုးနွယ်စုအားလုံး  မိသားစုစိတ်ဓာတ်၊ ပြည်ထောင်စုစိတ်ဓာတ်တို့ဖြင့် တစ်ဦး အပေါ်တစ်ဦး တန်ဖိုးထားလေးစား၍ ရင်းနှီးချစ်ကြည်စွာ အတူတကွနေထိုင်လာခဲ့ ကြပါသည်။ မွေးဖွားရာဇာတိ၊ နေထိုင်သည့်အရပ်ဒေသနှင့် ပြောဆိုသုံးနှုန်းသော ဘာသာ စကား၊ စာပေ၊ ယဉ်ကျေးမှု၊ ကိုးကွယ်ယုံကြည်သည့်ဘာသာ၊ ဓလေ့ထုံးတမ်းအစဉ်အလာ စသည်ဖြင့်  မည်သို့ပင် ကွဲပြားခြားနားစေကာမူ  တစ်မြေတည်းနေ တစ်ရေတည်း သောက်ပြီး ပြည်ထောင်စုကြီးအတွင်း စည်းလုံးညီညွတ်စွာ စုပေါင်းနေထိုင်လာခဲ့ ကြပါသည်။ ကရင်တိုင်းရင်းသားများသည် မြန်မာနိုင်ငံဖွား တိုင်းရင်းသားများဖြစ်သည်နှင့်အညီ ကရင်ပြည်နယ်အပြင် မြန်မာနိုင်ငံတစ်ဝန်းလုံးတွင် ပျံ့နှံ့နေထိုင်လျက်ရှိကြပါသည်။ အထူးသဖြင့် မွန်ပြည်နယ်၊ တနင်္သာရီတိုင်းဒေသကြီး၊ ပဲခူးတိုင်းဒေသကြီး၊ ဧရာဝတီ တိုင်းဒေသကြီးတို့တွင် များပြားစွာရှိနေကြပါသည်။ ကရင်တိုင်းရင်းသားတို့သည် သမိုင်းစဉ်တစ်လျှောက် တိုင်းရင်းသားအားလုံးနှင့် အေးအတူပူအမျှ  စည်းလုံးညီညွတ်စွာနေထိုင်လာခဲ့ကြပါသည်။ ထို့ပြင် မိမိတို့နိုင်ငံ သူ့ကျွန်ဘဝကျရောက်ခဲ့စဉ်ကာလ နိုင်ငံလွတ်လပ်ရေးအတွက် ကြိုးပမ်းဆောင်ရွက်ခဲ့ ရာတွင်လည်း ကရင်တိုင်းရင်းသားတို့သည် မျိုးချစ်စိတ်၊ နိုင်ငံချစ်စိတ်အပြည့်အဝဖြင့် တိုင်းရင်းသားအားလုံးနှင့်အတူ အသက်သွေးချွေးတို့စတေးပြီး တိုက်ပွဲဝင်ခဲ့ကြသည်ကို သမိုင်းကသက်သေတည်လျက်ရှိပါသည်။ ကရင်ပြည်နယ်သည်  မြန်မာနိုင်ငံ၏  အရှေ့တောင်ဘက်တွင်တည်ရှိပြီး  သဘာဝ အရင်းအမြစ်များဖြစ်သည့်  မြစ်ချောင်းများ၊ ရေတံခွန်စိမ့်စမ်းများ၊ မြင့်မားလှပသည့် တောင်တန်းများ၊  စိမ်းလန်းစိုပြည်သည့် သစ်တောများရှိပြီး   ဇွဲကပင်တောင်၏ အလှသည် ကရင်ပြည်နယ်၏ အထင်ကရနေရာ အမှတ်အသားတစ်ခုအဖြစ် တည်ရှိ နေပါသည်။ ကရင်တိုင်းရင်းသားတို့၏ ကိုယ်စားပြုယဉ်ကျေးမှုသင်္ကေတမှာ   ဖားစည်နှင့် ကျွဲချိုဖြစ်ပြီး   ကရင်ဒုံးအကသည် လူကြိုက်များသောအကဖြစ်၍ ပြည်တွင်း၌သာမက ပြည်ပတွင်ပါ ထင်ရှားသော ကိုယ်ပိုင်ယဉ်ကျေးမှုအကတစ်ခုဖြစ်ပါသည်။ ကရင် မျိုးနွယ်စုအားလုံးသည် နှစ်သစ်ကူးပွဲ၊ အိမ်သစ်တက်ပွဲ၊ ကောက်သစ်စားပွဲ၊ လိပ်ပြာ ခေါ်ပွဲ၊ ဝါခေါင်လ ချည်ဖြူဖွဲ့မင်္ဂလာပွဲ စသည့် ဘာသာရေးဆိုင်ရာ ရိုးရာပွဲတော်များကို သတ်မှတ်ကာလအလိုက် ယဉ်ကျေးမှုဓလေ့ထုံးစံများနှင့်အညီ ပြုလုပ်ကျင်းပ ကြပါသည်။ ကရင်တိုင်းရင်းသားတို့သည် ပင်ကိုသဘာဝအရ ရိုးသားပြီး မာန်မာနကင်းစင်ကာ ပွင့်လင်းဖော်ရွေကြသူများ အေးချမ်းစွာနေထိုင်သူများဖြစ်ကြပါသည်။ အလားတူ ရဲရင့်ပြတ်သားပြီး ကတိသစ္စာလည်း ကြီးမားကြပါသည်။ ကရင်တိုင်းရင်းသားများ၏ ဘိုးဘွားဘီဘင် အစဉ်အဆက်ထိန်းသိမ်းလာခဲ့ကြသည့် ဘာသာစကား၊ စာပေ၊ ယဉ်ကျေး မှု အနုပညာ၊ ရိုးရာဓလေ့ထုံးတမ်းများ၊ သမိုင်းအမွေအနှစ်များကို အစဉ်အလာအတိုင်း လက်ဆင့်ကမ်းဆက်လက်ထိန်းသိမ်းကြရန် တိုက်တွန်းလိုပါသည်။ မြန်မာနိုင်ငံအတွင်း မှီတင်းနေထိုင်ကြသော ကရင်တိုင်းရင်းသားများနည်းတူ အနယ်နယ် အရပ်ရပ်ရှိ တိုင်းရင်းသားညီအစ်ကိုမောင်နှမအားလုံးသည် မိမိတို့၏ကောင်းမြတ် သောအစဉ်အလာများကို အစဉ်အမြဲထိန်းသိမ်းစောင့်ရှောက်ပြီး အားလုံးအတူတကွ ဥမကွဲသိုက်မပျက် တွဲလက်များညီညာပါက  ပြည်ထောင်စုကြီးသည်လည်း စည်းလုံး ညီညွတ်မှုဖြင့် အဓွန့်ရှည်တည်တံ့ခိုင်မြဲနေမည်ဖြစ်ပါသည်။ ချစ်ခင်လေးစားအပ်ပါသော  မိဘပြည်သူတိုင်းရင်းသားညီအစ်ကိုမောင်နှမများခင်ဗျာ မိမိတို့နိုင်ငံသည် လွတ်လပ်ရေးရရှိပြီးနောက်ပိုင်း ကိုလိုနီနယ်ချဲ့တို့၏ သွေးခွဲအုပ်ချုပ်ခဲ့မှု အမွေဆိုးကြောင့် တိုင်းရင်းသားညီနောင်များအချင်းချင်း အထင်အမြင်လွဲမှားကာ ကရင်ပြည်နယ်အတွင်းတွင်လည်း လက်နက်ကိုင်ပဋိပက္ခများဖြင့် တည်ငြိမ်အေးချမ်းမှု ပျက်ပြားခဲ့သည်မှာ ယခုတိုင်ဖြစ်ပါသည်။ နိုင်ငံတော်အစိုးရအဆက်ဆက်အနေဖြင့်  နိုင်ငံတော်ထာဝရငြိမ်းချမ်းရေးကို ကြိုးစားဆောင်ရွက်ခဲ့ကြသော်လည်း လွဲမှားသည့် အတွေးအခေါ်အယူအဆများနှင့်  နိုင်ငံနှင့် တိုင်းရင်းသားပြည်သူများ အားလုံးအ ကျိုးထက် ကျဉ်းမြောင်းသည့် ကိုယ်ကျိုးအတ္တများကိုရှေ့တန်းတင်နေကြခြင်းကြောင့် လက်နက်ကိုင်ပဋိပက္ခများနှင့် ဆူပူအကြမ်းဖက်မှုများသည်  ယနေ့ကာလအထိ ရှည်ကြာနေပြီး မိဘပြည်သူတိုင်းရင်းသားများ ဆင်းရဲဒုက္ခမျိုးစုံ ကြုံတွေ့နေရသည်မှာ ဝမ်းနည်းဖွယ်ရာဖြစ်ပါသည်။ နိုင်ငံတော်အစိုးရနှင့် တပ်မတော်အနေဖြင့် နိုင်ငံ၏ ပကတိအနှစ်သာရဖြစ်သော ပြည်တွင်းငြိမ်းချမ်းရေးနှင့် ပြည်တွင်းငြိမ်းချမ်းရေးရလဒ်များ တည်ငြိမ်မှုရှိစေရေး အတွက် ပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA)ပါ သဘောတူညီချက်များ အတိုင်း ဖြစ်နိုင်သမျှအလေးထားလုပ်ဆောင်ခဲ့ရာ တိုင်းရင်းသားလက်နက်ကိုင်အဖွဲ့များ အနေဖြင့် ပါဝင်လက်မှတ်ရေးထိုးပြီး  လက်တွဲပူးပေါင်းဆောင်ရွက်ခဲ့ကြပါသည်။ သို့သော်လည်း အချို့မှာအမှန်အတိုင်းရှုမြင်ဆင်ခြင်သုံးသပ်ခြင်းမရှိဘဲ လမ်းမှားပေါ်၌ပင် လျှောက်လှမ်းနေဆဲဖြစ်နေကြရာ နိုင်ငံနှင့်ပြည်သူအကျိုးကိုရှေးရှုလျက် ငြိမ်းချမ်းရေး လမ်းကြောင်းပေါ် လျှောက်လှမ်းကြပါရန် အသိပေးတိုက်တွန်းလိုပါသည်။ နိုင်ငံတော်နှင့်တပ်မတော်အနေဖြင့် ငြိမ်းချမ်းရေးအတွက် တွေ့ဆုံဆွေးနွေးမှုကို ထာဝရ ကြိုဆိုလျက်ရှိပြီး အစဉ်အမြဲတံခါးဖွင့်ထားပါကြောင်း ထပ်မံအသိပေးဖော်ပြ အပ်ပါသည်။ နိုင်ငံတော်အနေဖြင့် တည်ငြိမ်အေးချမ်းရေးနှင့် တရားဥပဒေစိုးမိုးရေး အပြည့်အဝရှိ လာစေရန်နှင့် ဖွံ့ဖြိုးတိုးတက်ရေးကို အခက်အခဲများကြားမှ ပိုမိုကြိုးစားဆောင်ရွက် သွားမည်သာဖြစ်ပါသည်။  ထို့ပြင်  “ပါတီစုံဒီမိုကရေစီအထွေထွေရွေးကောက်ပွဲ လုပ်ငန်း စဉ်များအောင်မြင်ပြီး ပြည်သူလူထုတစ်ရပ်လုံး လိုလားတောင့်တသည့်  ပါတီစုံဒီမိုကရေ စီစနစ်ကို အောင်မြင်စွာလျှောက်လှမ်းနိုင်ရေး  ပြည်သူလူထု၏ပူးပေါင်းပါဝင်မှုဖြင့် အကောင်အထည်ဖော်ဆောင်ရွက်ရေးဟူသည့် အမျိုးသားကာကွယ်ရေးနှင့် လုံခြုံရေး ကောင်စီ၏ ဦးတည်ချက်နှင့် အညီ ရွေးကောက်ပွဲများ ‌အောင်မြင်စွာကျင်းပနိုင်ရေး ဆောင်ရွက်နေပြီဖြစ်ပါသည်။ လွတ်လပ်၍ တရားမျှတသည့် ရွေးကောက်ပွဲဖြစ်စေရေး၊ မဲပေးခွင့်ရှိသူတိုင်းမဲပေးနိုင်ရေးနှင့် သိက္ခာရှိသည့်  ရွေးကောက်ပွဲဖြစ်စေရေး အလေး ထားဆောင်ရွက်သွားမည်ဖြစ်ပါသည်။ တိုင်းရင်းသားပြည်သူအားလုံးကလည်းရွေးကောက်ပွဲကြီးအောင်မြင်ရေးဝိုင်းဝန်းပါဝင်ကူညီဆောင်ရွက်ပေးကြပါရန်တိုက်တွန်းအပ်ပါသည်။ နိုင်ငံတော်အစိုးရအနေဖြင့်  နိုင်ငံတည်ငြိမ်အေးချမ်းစေရန်နှင့် ဖွံ့ဖြိုးတိုးတက်စေရန် ကြိုးပမ်းဆောင်ရွက် လျက်ရှိသကဲ့သို့နိုင်ငံသားများ၏အခြေခံလူမှုစီးပွားဘဝများတိုးတက်စေရေး၊   လူတိုင်း ကျန်းမာရေးကောင်းမွန်စေရေး၊  ပညာရေးကောင်းမွန်ပြီး အလုပ်အကိုင်များရရှိကာ  လူတိုင်းဝင်ငွေရရှိစေရေး၊ ဆင်းရဲနွမ်းပါးမှုလျှော့ချနိုင်စေရေးတို့ကို ဆောင်ရွက်ပေး လျက်ရှိပါသည်။ တိုင်းရင်းသားပြည်သူတစ်ဦးချင်းစီ၏ လူမှုစီးပွားဘဝများတိုးတက်မှသာ နိုင်ငံဖွံ့ဖြိုး တိုးတက်လာမည်ဖြစ်သည့်အတွက်  လူတစ်ဦးချင်းစီ၏လူမှုစီးပွားဘဝတိုးတက်ရေးကို ကရင်ပြည်နယ်အပါအဝင်နိုင်ငံနှင့်အဝန်းရည်မှန်းချက်များချမှတ်ပြီးအောင်မြင်အောင်ဆောင်ရွက်ကြရန်တိုက်တွန်းလိုပါသည်။ နိုင်ငံတော်စီးပွားရေးဖွံ့ဖြိုးတိုးတက်အောင်ဆောင်ရွက်ရာတွင်စီးပွားရေးနှင့်ဆက်စပ်လျက်ရှိသည့်  ပညာရေး၊ ကျန်းမာရေး၊ တရားဥပဒေစိုးမိုးရေးနှင့် လမ်းပန်းဆက်သွယ်ရေး တိုး တက်စေရေးစသည့်လုပ်ငန်းရပ်များကို အကောင်အထည်ဖော်ဆောင်ရွက် လျက်ရှိပါ သည်။    ကုန်ထုတ်လုပ်ငန်းများကို ဆောင်ရွက်ရာတွင် အခြေခံအကျဆုံးဖြစ်သည့် အသေးစား၊ အငယ်စားနှင့်အလတ်စားစီးပွားရေး (MSME) လုပ်ငန်းများတိုးတက် အောင်မြင်မှုရရှိစေရန် မဖြစ်မနေဆောင်ရွက်ရမည်ဖြစ်ပါသည်။ အဆိုပါလုပ်ငန်းများကို နည်းပညာနှင့်ပေါင်းစပ်ပြီး တန်ဖိုးမြင့်ထုတ်ကုန်များကိုထုတ်လုပ်နိုင်မည်ဆိုပါက ပိုမိုအကျိုးရှိပြီး နိုင်ငံ့စီးပွားရေးကိုတိုးတက်စေမည်ဖြစ်ပါသည်။ ကရင်ပြည်နယ်သည် စီးပွားရေးအတွက်   အခြေခံကောင်းသည့် သဘာဝအရင်းအမြစ်များ ပေါကြွယ်ဝသည့် ဒေသဖြစ်၍ ကုန်ထုတ်လုပ်မှုလုပ်ငန်းများတိုးတက်အောင်မြင်အောင် ဆောင်ရွက်နိုင် မည်ဆိုပါက ဒေသခံတိုင်းရင်းသားများ၏ လူမှုစီးပွားဘဝအဆင်ပြေတိုးတက်မည်ဖြစ်ပြီး  ဒေသဖွံ့ဖြိုးမှုနှင့် နိုင်ငံ့စီးပွားတိုးတက်မှုလည်း များစွာအထောက်အကူဖြစ်နိုင်ကြောင်း တိုက်တွန်းမှာကြားလိုပါသည်။ ချစ်ခင်လေးစားအပ်ပါသော   မိဘပြည်သူ   တိုင်းရင်းသားညီအစ်ကိုမောင်နှမများခင်ဗျာ ယနေ့   နိုင်ငံတော်တွင်လိုအပ်လျက်ရှိသော တည်ငြိမ်အေးချမ်းရေး၊ တရားဥပဒေ စိုးမိုးရေးနှင့် လူမှုစီးပွားဘဝများ တိုးတက်ရေးတို့အတွက် ကရင်ပြည်နယ်မှ ကရင်တိုင်း ရင်းသားများအပါအဝင် တိုင်းရင်းသားပြည်သူလူထုတစ်ရပ်လုံးက ဝိုင်းဝန်း အကောင် အထည်ဖော်ဆောင်ရွက်သွားကြရမည်ဖြစ်ပါသည်။ ကရင်ပြည်နယ်အပါအဝင် မိမိတို့ နေထိုင်ရာဒေသများအတွင်း လက်နက်ကိုင်ပဋိပက္ခများနှင့် ဆူပူအကြမ်းဖက်မှုများ လျော့နည်းပပျောက်လာစေရန် အချင်းချင်းဝိုင်းဝန်းဆောင်ရွက်ပြီး တိုင်းရင်းသား များအားလုံး စည်းလုံးညီညွတ်စွာဖြင့် နိုင်ငံတော်ကြီးအားစစ်မှန်စည်းကမ်းပြည့်ဝသည့် ပါတီစုံဒီမိုကရေစီစနစ်ခိုင်မာရေးနှင့် ဒီမိုကရေစီနှင့်ဖက်ဒရယ်စနစ်ကိုအခြေခံသည့်  ပြည်ထောင်စုကြီးအဖြစ်တည်ဆောက်နိုင်ပါစေကြောင်း ဆုမွန်ကောင်းတောင်းလျက် ကရင်အမျိုးသားနှစ်သစ်ကူးနေ့သဝဏ်လွှာပေးပို့အပ်ပါသည်။          ဗိုလ်ချုပ်မှူးကြီး သတိုးမဟာသရေစည်သူ          သတိုးသီရိသုဓမ္မမင်းအောင်လှိုင်

အားလုံးမင်္ဂလာပါ။ မြန်မာ့တိုင်းရင်းဆေးသမားတော်များညီလာခံနဲ့မြန်မာ့တိုင်းရင်းဆေးပညာနှီးနှောဖလှယ်ပွဲကို တက်ရောက်လာကြတဲ့ တာဝန်ရှိပုဂ္ဂိုလ်များ၊ တိုင်းဒေသကြီးနဲ့ ပြည်နယ်အသီးသီးမှ မြန်မာ့တိုင်းရင်းဆေးသမားတော်ကြီးများ၊  ဆက်စပ်နှီးနွှယ်ပညာရှင်များ၊ ဧည့်သည်တော်များအားလုံး   မင်္ဂလာအပေါင်းနဲ့ပြည့်စုံနိုင်ကြပါစေ၊ ကိုယ်၏ကျန်းမာခြင်း၊ စိတ်၏ချမ်းသာခြင်းတို့နဲ့ ပြည့်စုံကြပါစေ၊ မြန်မာ့အမွေအနှစ်တိုင်းရင်းဆေးပညာကို မြတ်နိုးတန်ဖိုးထားလျက် ထိန်းသိမ်းမြှင့်တင်နိုင်သူများဖြစ်ကြပါစေလို့  ဆုမွန်ကောင်းတောင်းရင်း  နှုတ်ခွန်းဆက်သအပ်ပါတယ်။ မြန်မာ့တိုင်းရင်းဆေးသမားတော်များညီလာခံနဲ့ မြန်မာ့တိုင်းရင်းဆေးပညာနှီးနှောဖလှယ်ပွဲတွေကို ၂၀၀၀ ပြည့်နှစ်က စတင်ပြီး နှစ်စဉ်ကျင်းပလာခဲ့တာ ယခုဆိုရင် (၂၄)ကြိမ်မြောက် ကျင်းပနိုင်ပြီ ဖြစ်ပါတယ်။

နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ မြှင့်တင်ဆောင်ရွက်ရေးဆိုင်ရာ ကိစ္စရပ်များရင်းရင်းနှီးနှီးဆွေးနွေး  နေပြည်တော်   ဒီဇင်ဘာ    ၁၆ ပြည်ထောင်စုသမ္မတမြန်မာနိုင်ငံတော် ယာယီသမ္မတနိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ထံ  မြန်မာနိုင်ငံဆိုင်ရာ   ဘရူနိုင်းဒါရူဆလမ်နိုင်ငံသံအမတ်ကြီး H.E. Haji Mohamad Sarif Pudin bin Matserudin က ယနေ့နံနက် ၁၁

မြန်မာနိုင်ငံ၌ မကြာမီကျင်းပပြုလုပ်မည့် ပါတီစုံဒီမိုကရေစီအထွေထွေရွေးကောက်ပွဲသို့ ပါကစ္စတန် နိုင်ငံမှ ရွေးကောက်ပွဲစောင့်ကြည့်လေ့လာရေးအဖွဲ့များ စေလွှတ်ပေးသွားမည့်အခြေအနေများ ရင်းရင်း နှီးနှီးဆွေးနွေး နေပြည်တော်   ဒီဇင်ဘာ  ၁၆ ပြည်ထောင်စုသမ္မတမြန်မာနိုင်ငံတော်  ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ထံ  မြန်မာနိုင်ငံဆိုင်ရာ ပါကစ္စတန်နိုင်ငံသံအမတ်ကြီး H.E. Mr. Tariq Karim က ယနေ့နံနက် ၁၀ နာရီတွင်

နေပြည်တော်  ဒီဇင်ဘာ  ၁၅ ပြည်ထောင်စုသမ္မတမြန်မာနိုင်ငံတော်၊ တပ်မတော်(လေ) ဖွဲ့စည်းတည်ထောင်မှု (၇၈)နှစ်မြောက် နှစ်ပတ်လည်နေ့အခမ်းအနားကို  ယနေ့နံနက်ပိုင်းတွင် နေပြည်တော် လေတပ်စခန်းဌာနချုပ်၌ကျင်းပပြုလုပ်ရာနိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်ချီးမြှင့်သည်။ အဆိုပါအခမ်းအနားသို့ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်နှင့်ဇနီး ဒေါ်ကြူကြူလှ၊ ကော်မရှင်အဖွဲ့ဝင် နိုင်ငံတော်ဝန်ကြီးချုပ်  ဦးညိုစောနှင့်ဇနီး၊ ကော်မရှင်အတွင်းရေးမှူး ဗိုလ်ချုပ်ကြီး ရဲဝင်းဦးနှင့်ဇနီး၊ ကော်မရှင်အဖွဲ့ဝင် ညှိနှိုင်းကွပ်ကဲရေးမှူး(ကြည်း၊ရေ၊လေ) ဗိုလ်ချုပ်ကြီးကျော်စွာလင်းနှင့်ဇနီး၊