ပြည်ထောင်စုသမ္မတမြန်မာနိုင်ငံတော်နှင့် ဘယ်လာရုစ်သမ္မတနိုင်ငံတို့အကြား  နှစ်နိုင်ငံတွေ့ဆုံ ဆွေးနွေးပွဲနှင့် နားလည်မှုစာချွန်လွှာလက်မှတ်ရေးထိုးပွဲကျင်းပပြုလုပ်

ထိုသို့ တွေ့ဆုံဆွေးနွေးစဉ် နိုင်ငံတော်ယာယီသမ္မတ    နိုင်ငံတော်လုံခြုံရေးနှင့် အေးချမ်းသာယာရေကော်မရှင်ဥက္ကဋ္ဌက ကြိုဆိုနှုတ်ခွန်းဆက်စကားပြောကြားရာ၌ အဆွေတော်နှင့် ကိုယ်စားလှယ်အဖွဲ့များအား မြန်မာနိုင်ငံမှ လှိုက်လှဲစွာဖြင့် ကြိုဆိုပါ ကြောင်း၊ မိမိတို့နှစ်နိုင်ငံ၏ သံတမန်ဆက်ဆံရေးမှာ   ၂၆ နှစ်တာကာလသို့ရောက်ရှိခဲ့ပြီဖြစ်ပြီး အဆွေတော်၏ ချစ်ကြည်ရေးခရီးစဉ်သည် ဘယ်လာရုစ်သမ္မတနိုင်ငံမှနိုင်ငံတော်အကြီးအကဲလာရောက်သည့် ပထမဆုံးသမိုင်းဝင်ခရီးစဉ်ဖြစ်သည့်အတွက် ဂုဏ်ယူဝမ်းမြောက်မိပါကြောင်း၊   မိမိအနေဖြင့် ယခုနှစ်မတ်လအတွင်း ဘယ်လာရုစ်နိုင်ငံသို့ နိုင်ငံအတော်အဆင့် တရားဝင်ချစ်ကြည်ရေးခရီးစဉ်နှင့် ဇွန်လအတွင်း စတုတ္ထအကြိမ်   ဥရောပ-အာရှစီးပွားရေးဖိုရမ်သို့တက်ရောက်ရန် လာရောက်သည့်ခရီးစဉ်များအတွင်း အဆွေတော်နှင့် ဘယ်လာရုစ်နိုင်ငံက   နွေးထွေးလှိုက်လှဲစွာကြိုဆိုခဲ့သည့် ဧည့်ဝတ်ကျေ ပွန်မှုများကိုလည်း ပြန်လည်အမှတ်ရမိပါကြောင်းနှင့်အထူးပင်ကျေးဇူးတင်ရှိပါ ကြောင်း၊ မတ်လအတွင်း လာရောက်ခဲ့သည့် ခရီးစဉ်အတွင်း နှစ်နိုင်ငံအကြား ပူးပေါင်း ဆောင်ရွက်ရေးဆိုင်ရာ နားလည်မှုစာချွန်လွှာများကို လက်မှတ်ရေးထိုးနိုင်ခဲ့ကြောင်း၊ ယခုအဆွေတော်၏ ချစ်ကြည်ရေးခရီးစဉ်အတွင်းနှစ်နိုင်ငံပူးပေါင်းဆောင်ရွက်မှု မြှင့်တင်ရေးဆိုင်ရာလမ်းပြမြေပုံ (၂၀၂၆-၂၀၂၈)၊ နှစ်နိုင်ငံအကြား ပြည်ဝင်ဗီဇာကင်း လွတ်ခွင့်ပေးရေးဆိုင်ရာ သဘောတူစာချုပ်အပါအဝင်  နှစ်နိုင်ငံအကြား  ပူးပေါင်း ဆောင်ရွက်ရေးဆိုင်ရာနားလည်မှုစာချွန်လွှာများကိုလက်မှတ်ရေးထိုးသွားမည်ဖြစ် သည့်အတွက် များစွာဝမ်းမြောက်မိပါကြောင်း၊ မိမိတို့နှစ်နိုင်ငံသည် တည်နေရာအနေအထားအရ အလှမ်းဝေးကွာသော်လည်း သံတမန်ဆက်ဆံရေးနှင့် စစ်ဘက်သံတမန်ဆက်ဆံရေး နှစ်မျိုးလုံးရှိသောနိုင်ငံများဖြစ်ပြီး ချစ်ကြည်ရင်းနှီးမှုနှင့် အပြန် အလှန်နားလည်ယုံကြည်မှုအပြည့်အဝရှိသည့် မိတ်ဆွေကောင်းနိုင်ငံများဖြစ်ကြောင်း၊ မိမိတို့နှစ်နိုင်ငံသံတမန်ဆက်ဆံရေးတည်ထောင်မှုသည် ယခုအခါ ၂၆ နှစ်ကျော်ခဲ့ပြီဖြစ်ပြီး   အဆိုပါအခါသမယအတွင်း နှစ်နိုင်ငံဆက်ဆံရေးသည် သိသာထင်ရှားစွာ တိုးတက်လာသည်ကို တွေ့မြင်ရမည်ဖြစ်ကြောင်း၊ အနာဂတ်ကာလတွင်လည်း ပိုမိုတိုးတက်အောင် ဆောင်ရွက်သွားရန်   မိမိအနေဖြင့် သန္နိဋ္ဌာန်ချထားပါကြောင်း၊ မြန်မာနိုင်ငံ၏ နိုင်ငံတကာဆက်ဆံရေးနှင့်ပတ်သက်၍ ဘယ်လာရုစ်နိုင်ငံအနေဖြင့် မြန်မာနိုင်ငံအပေါ်နှစ်နိုင်ငံချင်းသော်လည်းကောင်း၊ နိုင်ငံတကာမျက်နှာစာတွင်လည်း ကောင်း အကူအညီများ တစ်စိုက်မတ်မတ်ပေးအပ်ခဲ့သည့်အတွက် ကျေးဇူးတင်ရှိပါကြောင်းဖြင့် ပြောကြားသည်။

ထို့နောက်   ဘယ်လာရုစ်သမ္မတနိုင်ငံသမ္မတက ပြန်လည်ဆွေးနွေးပြောကြားရာ တွင် မိမိနှင့်ချစ်ကြည်ရေးကိုယ်စားလှယ်အဖွဲ့ဝင်များအား နွေးထွေးစွာဖြင့် ကြိုဆို သည့်အတွက်လှိုက်လှိုက်လှဲလှဲကျေးဇူးတင်ရှိပါကြောင်း၊ မိမိအနေဖြင့် မြန်မာနိုင်ငံသို့ ပထမဆုံးလာရောက်သည့် ခရီးစဉ်ဖြစ်သည့်အတွက် ဝမ်းမြောက်ဂုဏ်ယူမိသည်ကို ပြောကြားလိုကြောင်း၊ အဆွေတော်အနေဖြင့် မတ်လအတွင်း ဘယ်လာရုစ်နိုင်ငံသို့ တရားဝင်ချစ်ကြည်ရေးခရီးစဉ်လာရောက်ခဲ့မှုသည်လည်း မြန်မာနိုင်ငံမှ နိုင်ငံတော် အကြီးအကဲတစ်ဦး၏ ပထမဆုံးချစ်ကြည်ရေးခရီးစဉ်ဖြစ်ပါကြောင်း၊ ယခုနှစ်အတွင်း မိမိတို့နှစ်ဦးအနေဖြင့် ၆ ကြိမ်တွေ့ဆုံခဲ့ပြီးဖြစ်ကြောင်း၊ ထို့ကြောင့် ၂၀၂၅ ခုနှစ်သည် နှစ်နိုင်ငံအတွက်  အမှတ်တရများ များစွာရှိပြီး  နှစ်နိုင်ငံအကြား သမိုင်းအသစ်များ စိုက်ထူနိုင်သည့် နှစ်တစ်နှစ်ဖြစ်ပါကြောင်း၊ နှစ်နိုင်ငံအကြားပူးပေါင်းဆောင်ရွက်မှု များကို အောင်အောင်မြင်မြင် လုပ်ဆောင်လျက်ရှိကြောင်း၊ မင့်စ်မြို့တွင်ကျင်းပခဲ့သည့် EAEU အစည်းအဝေးသို့မြန်မာနိုင်ငံမှ နိုင်ငံခြားရေးဝန်ကြီး ဦးဆောင်၍တက်ရောက်ခဲ့ကြောင်း၊ ယခုနှစ်အတွင်း မိမိတို့အနေဖြင့် နိုင်ငံတကာအခမ်းအနားများ၊ နိုင်ငံတကာ အစည်းအဝေးများတွင် တွေ့ဆုံဆွေးနွေးမှုများ   များစွာပြုလုပ်နိုင်ခဲ့ကြောင်း၊ ထိုသို့ တွေ့ဆုံချိန်တွင် အပြန်အလှန်ကူညီရေးဆိုင်ရာများကိုဆွေးနွေးနိုင်ခဲ့ကြောင်း၊ မိမိတို့ နိုင်ငံအနေဖြင့် မြန်မာနိုင်ငံနှင့်ပတ်သက်ပြီး အမြဲတံခါးဖွင့်ထားပါကြောင်း၊  မြန်မာနိုင်ငံ နှင့် ပူးပေါင်းဆောင်ရွက်မှုများဆောင်ရွက်ချိန်တွင် မည်သည့်ပြင်ပနှောင့်ယှက်စွက်ဖက်မှုများရှိနေပါစေတစ်စိုက်မတ်မတ်ဖြင့် ဆက်လက်ပူးပေါင်းဆောင်ရွက်သွားမည်ကို ပြောကြားလိုပါကြောင်း၊မိမိတို့နိုင်ငံမှ တာဝန်ရှိသည့်ဝန်ကြီးများ၊ မြန်မာနိုင်ငံမှ တာဝန်ရှိသည့်ဝန်ကြီးများ    ပူးပေါင်း၍ စီးပွားရေးဖိုရမ်များကျင်းပခဲ့ပြီး  တွေ့ဆုံ ဆွေးနွေးမှုများပြုလုပ်ခဲ့ပါကြောင်း၊    ထိုမှတစ်ဆင့် နှစ်နိုင်ငံပူးပေါင်းဆောင်ရွက်မှုများ အောင်မြင်စေရေးနှင့် ရလဒ်ကောင်းများ ရရှိစေရေးဆွေးဆောင်ရွက်နိုင်ခဲ့ပါကြောင်း၊ မိမိတို့အနေဖြင့် ယနေ့တွင် နှစ်နိုင်ငံပူးပေါင်းဆောင်ရွက်မှု မြှင့်တင်ရေးဆိုင်ရာ လမ်းပြမြေပုံ(၂၀၂၆-၂၀၂၈) ကိုလက်မှတ်ရေး ထိုးသွားမည်ဖြစ်ပါကြောင်း၊   အဆိုပါလမ်းပြမြေပုံ၌ နှစ်နိုင်ငံပူးပေါင်းဆောင်ရွက်ရေးနှင့် ပတ်သက်သည့်အချက်များစွာပါဝင်ကြောင်း၊ အဆိုပါလမ်းပြမြေပုံအတိုင်းဆောင်ရွက် သွားမည်ဆိုပါက နှစ်နိုင်ငံ စီးပွားရေးဆိုင်ရာ ပူးပေါင်းဆောင်ရွက်မှုများ ပိုမိုအောင်မြင် နိုင်မည်ဖြစ်ပါကြောင်း၊  နှစ်နိုင်ငံစက်မှုလုပ်ငန်းများလည်း ဖွံ့ဖြိုးတိုးတက်လာမည်ဖြစ်ကြောင်း၊ ယနေ့ တွေ့ဆုံဆွေးနွေးမှုမှရရှိလာသည့် အကြောင်းအရာများအားလုံး အောင်မြင်စွာအကောင် အထည်ဖော်နိုင်‌ရေး မိမိတို့အနေဖြင့် ကြိုးပမ်းဆောင်ရွက်သွားမည်ဖြစ်ကြောင်းဖြင့် ပြောကြားသည်။

ယင်းနောက် မြန်မာနိုင်ငံတွင် မန္တလေးငလျင်ကြီးလှုပ်ခတ်ခဲ့စဉ်က ဘယ်လာရုစ် သမ္မတနိုင်ငံမှ ငလျင်ဘေးဒဏ်သင့်ဒေသများတွင် ရှာဖွေကယ်ဆယ်ရေးလုပ်ငန်းများ ဆောင်ရွက်ပေးခဲ့မှုနှင့် လူသားချင်းစာနာထောက်ထားမှုဆိုင်ရာ အကူအညီများ ဆောင် ရွက်ပေးခဲ့မှုအပေါ် မြန်မာနိုင်ငံအနေဖြင့်ကျေးဇူးတင်ရှိမှု၊ နှစ်နိုင်ငံအကြား နိုင်ငံရေး၊ ကုန်သွယ်ရေး၊ စီးပွားရေး၊ စက်မှု၊ စိုက်ပျိုးရေး နှင့်အစားအစာ၊ ကျန်းမာရေး၊ ဆေးဝါး၊ ပညာရေးနှင့် ကဏ္ဍပေါင်းစုံပူးပေါင်းဆောင်ရွက်မှုများအရှိန်အဟုန်ဖြင့် တိုးတက် လျက်ရှိပြီး ချစ်ကြည်ရင်းနှီးမှုနှင့် အပြန်အလှန်နားလည်ယုံကြည်မှုများ တိုးမြင့်လာ သည့် အခြေအနေများ၊ သံတမန်ဆက်ဆံမှုအား မြှင့်တင်နိုင်ရေးအတွက် မင့်စ်မြို့ရှိ မြန်မာကောင်စစ်ဝန်ချုပ်ရုံးအားသံရုံးအဆင့်မြှင့်တင်နိုင်ရေး ဆောင်ရွက်လျက်ရှိသည့်အခြေအနေများ၊ နှစ်နိုင်ငံအကြား ပူးပေါင်းဆောင်ရွက်ရေး နားလည်မှုစာချွန်လွှာများ လက်မှတ်ရေးထိုးသွားမည့်အခြေအနေများနှင့် ပူးပေါင်းဆောင်ရွက်မှုများကိုမြှင့်တင်ဆောင်ရွက်သွားမည့်အခြေအနေများ၊နှစ်နိုင်ငံအကြား  ကုန်သွယ်မှုနှင့် ရင်းနှီးမြှုပ်နှံမှုကဏ္ဍ၊ စိုက်ပျိုးမွေးမြူရေး၊ အားကစား၊ ပညာရေး၊ သိပ္ပံနှင့်နည်းပညာ၊ ကျန်းမာရေး၊ ယဉ်ကျေးမှု၊ စွမ်းအင်၊ စက်မှု၊ ခရီးသွားလုပ်ငန်း၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးစသည့် ကဏ္ဍပေါင်းစုံတို့တွင် ပူးပေါင်းဆောင်ရွက်သွားနိုင်မည့်အခြေအနေများ၊ ဒေသတွင်းနှင့် နိုင်ငံတကာမျက်နှာစာတွင်    ပူးပေါင်းဆောင်ရွက်သွားမည့်အခြေအနေများ၊ မြန်မာနိုင်ငံတွင် မကြာမီကာလအတွင်း လွတ်လပ်၍ပွင့်လင်းမြင်သာသည့်    ပါတီစုံဒီမိုကရေစီအထွေထွေရွေးကောက်ပွဲတစ်ရပ်ကို ကျင်းပပြုလုပ်သွားမည် ဖြစ်သည့်အခြေအနေများနှင့် အိမ်နီးချင်းနိုင်ငံများ၊ အာဆီယံနိုင်ငံများနှင့် မိတ်ဆွေနိုင်ငံများအပါအဝင် ပြည်တွင်း၊ ပြည်ပစောင့်ကြည့်လေ့လာသူများကို ဖိတ်ခေါ်ထားရှိပြီးဖြစ်သည့်အခြေအနေများနှင့်   ဘယ်လာရုစ်သမ္မတနိုင်ငံအနေဖြင့် ရွေးကောက်ပွဲစောင့်ကြည့်လေ့လာရေးအဖွဲ့များ စေလွှတ်ပေးသွားမည့်အခြေအနေများ၊ မြန်မာနိုင်ငံ အစိုးရအနေဖြင့် ပြည်တွင်းတည်ငြိမ်အေးချမ်းမှုရရှိရေးအတွက် ကြိုးပမ်းဆောင်ရွက်လျက်ရှိသကဲ့သို့ အွန်လိုင်းလိမ်လည်လောင်းကစားမှုများကိုလည်း အမျိုးသားရေး တာဝန်တစ်ရပ်အဖြစ်ခံယူကာ အင်တိုက်အားတိုက် တိုက်ဖျက်ဆောင်ရွက်လျက်ရှိသည့် အခြေအနေများနှင့်စပ်လျဉ်း၍ ရင်းနှီးပွင့်လင်းစွာအမြင်ချင်းဖလှယ်ဆွေးနွေး ကြသည်။

ထို့နောက် နိုင်ငံတော်ယာယီသမ္မတ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌက ဖြည့်စွက်ပြောကြားရာတွင် ပြီးခဲ့သည့် ၂၅ ရက်နေ့တွင် အမေရိကန် နိုင်ငံ၊ အမိမြေလုံခြုံရေးဝန်ကြီးဌာနအနေဖြင့် ၎င်းတို့နိုင်ငံသို့ ရောက်ရှိနေသည့် မြန်မာနိုင်ငံသား ၄၀၀၀ ခန့်အား TPS – Temporary Protected Status ပေးထားမှုမှ ရုတ်သိမ်း၍ ရက်ပေါင်း ၆၀ အတွင်းပြန်လည်စေလွှတ်သွားမည်ဟု ထုတ်ပြန်ထားကြောင်း၊ နိုင်ငံရေးသဘောထားကွဲလွဲမှုများနှင့် အခြားအကြောင်းမျိုးမျိုးကြောင့် အမေရိကန်နိုင်ငံအပါအဝင် အခြားနိုင်ငံများသို့ရောက်ရှိနေသည့် မြန်မာနိုင်ငံသားများ ရှိကြောင်း၊ ၎င်းတို့အမိမြန်မာနိုင်ငံသို့ပြန်လာမည်ဆိုပါက မိမိတို့အနေဖြင့် ကြိုဆိုသည်ကို  ပြောကြားလိုပါကြောင်း၊ ၎င်းတို့အနေဖြင့်ဆန္ဒရှိမည်၊ ရွေးကောက်ပွဲကာလနှင့် အကျုံးဝင်မည်၊ မဲစာရင်းတွင်ပါဝင်မည်ဆိုပါက ရွေးကောက်ပွဲတွင်ဆန္ဒမဲလာရောက်ပေးနိုင်ရေး ဆောင်ရွက်ပေးသွာမည်ကို မိမိအနေဖြင့် အဆွေတော်အား အသိပေးပြော ကြားလိုပါကြောင်း၊ မြန်မာနိုင်ငံအနေဖြင့် မိမိတို့နိုင်ငံ၏   အခြေအနေနှင့်ကိုက်ညီသည့် နိုင်ငံရေးစနစ်ကို ကျင့်သုံးရာတွင် ဘယ်လာရုစ်နိုင်ငံအနေဖြင့်ထောက်ခံအားပေးကူညီမှုများအတွက်လည်း ကျေးဇူးတင်ရှိပါကြောင်း၊ မိမိတို့နိုင်ငံတွင်  ရွေးကောက်ပွဲကျင်းပပြုလုပ်ပြီးချိန်၌ နှစ်နိုင်ငံပူးပေါင်းဆောင်ရွက်မှုများ ဆက်လက်တိုးမြှင့်ဆောင်ရွက်သွားနိုင်မည်ဟုယုံကြည်ပါကြောင်းဖြင့် ပြောကြားသည်။

ယင်းနောက် ပြည်ထောင်စုသမ္မတမြန်မာနိုင်ငံတော်နှင့် ဘယ်လာရုစ်သမ္မတ နိုင်ငံတို့အကြား နားလည်မှုစာချွန်လွှာလက်မှတ်ရေးထိုးပွဲကို ဆက်လက်ကျင်းပြုလုပ်ရာ သိပ္ပံနှင့်နည်းပညာဆိုင်ရာပူးပေါင်းဆောင်ရွက်မှု နားလည်မှုစာချွန်လွှာများ၊ အကောက်အခွန်ဆိုင်ရာကိစ္စရပ်များတွင် ပူးပေါင်းဆောင်ရွက်ရေးဆိုင်ရာ နားလည်မှုစာချွန်လွှာများ၊   ပို့ကုန်ချေးငွေမူဘောင်သဘောတူညီချက်နှင့်   နိုင်ငံတော်အဆင့် စံချိန်စံညွှန်းသတ်မှတ်ခြင်း၊ အရည်အသွေးကိုက်ညီမှု စစ်ဆေးခြင်း၊ တိကျစွာတိုင်းတာခြင်း နှင့် အသိအမှတ်ပြုခြင်းနယ်ပယ်တို့တွင် ပူးပေါင်းဆောင်ရွက်ရေးဆိုင်ရာ နားလည်မှုစာချွန်လွှာများ၊   နှစ်နိုင်ငံပူးပေါင်းဆောင်ရွက်မှု မြှင့်တင်ရေးဆိုင်ရာ လမ်းပြမြေပုံ၊ ကုန်သွယ်ရေး၊   စီးပွားရေး၊  သိပ္ပံ၊ နည်းပညာနှင့် ယဉ်ကျေးမှုဆိုင်ရာ ပူးပေါင်းဆောင်ရွက်မှုစာချွန်လွှာများ၊ တရားမဝင်နှင့် ကူးသန်းရောင်းဝယ်ရေးဆိုင်ရာကိစ္စရပ်များတွင် ဥပဒေရေးရာအပြန်အလှန် အကူအညီပေးရေးသဘောတူစာချုပ်နှင့် ရင်းနှီးမြှုပ်နှံမှု မြှင့်တင်ရေးဆိုင်ရာနားလည်မှုစာချွန်လွှာများအားနှစ်နိုင်ငံပြည်ထောင်စုဝန်ကြီးများနှင့် မြန်မာနိုင်ငံ ဆိုင်ရာဘယ်လာရုစ်နိုင်ငံ သံအမတ်ကြီးတို့က နိုင်ငံတော်ယာယီသမ္မတ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌနှင့် ဘယ်လာရုစ်သမ္မတ နိုင်ငံသမ္မတတို့ ရှေ့မှောက်တွင် လက်မှတ်များရေးထိုးကြပြီး စာချွန်လွှာများကို အပြန်အလှန်လဲလှယ်ကြသည်။

ယင်းနောက် နိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာ ရေးကော်မရှင်ဥက္ကဋ္ဌသည် ဘယ်လာရုစ်သမ္မတနိုင်ငံသမ္မတ ဦးဆောင်သည့် ကိုယ်စား လှယ်အဖွဲ့ဝင်များအား ဂုဏ်ပြုနေ့လယ်စာဖြင့် တည်ခင်းဧည့်ခံသည်။

ဂုဏ်ပြုနေ့လယ်စာ စားပွဲပြုလုပ်မည့်နေရာသို   ရောက်ရှိနေရာယူပြီးချိန်တွင် နိုင်ငံတော်ဂုဏ်ပြုစစ်တီးဝိုင်းတပ်ဖွဲက နှစ်နိုင်ငံ နိုင်ငံတော်သီချင်းများကို ဂုဏ်ပြု တီးမှုတ်ကြသည်။

ဂုဏ်ပြုနေ့လယ်စာသုံးဆောင်နေစဉ်အတွင်း သာသနာရေးနှင့်ယဉ်ကျေးမှုဝန်ကြီး ဌာန၊   အနုပညာဦးစီးဌာနနှင့်  ပြည်သူ့ဆက်ဆံရေးနှင့်  စိတ်ဓာတ်စစ်ဆင်ရေးညွှန်ကြားရေးမှူးရုံးကွပ်ကဲမှုအောက် မြဝတီတေးဂီတအဖွဲ့တို့မှ အနုပညာရှင်များက မြန်မာ တေးသံသာများ၊ ဘယ်လာရုစ်နိုင်ငံတေးသံသာများဖြင့် တီးမှုတ်ဖျော်ဖြေကြသည်။

ထို့နောက် နိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာ ရေးကော်မရှင်ဥက္ကဋ္ဌ၊ ဘယ်လာရုစ်သမ္မတနိုင်ငံ သမ္မတနှင့် အဖွဲ့ဝင်များသည် သမ္မတ အိမ်တော်၊သဘင်ဆောင်ခန်းမ၌ကျင်းပပြုလုပ်သည့်     ဂုဏ်ပြုဖျော်ဖြေပွဲသို့ တက်ရောက်ကြည့်ရှုအားပေးကြသည်။

ဂုဏ်ပြုဖျော်ဖြေပွဲတွင် ပြန်ကြားရေးဝန်ကြီးဌာန၊ မြန်မာ့အသံနှင့်ရုပ်မြင်သံကြား၊ သာသနာရေးနှင့် ယဉ်ကျေးမှုဝန်ကြီးဌာန၊ အနုပညာဦးစီးဌာနနှင့် ပြည်သူ့ဆက်ဆံရေး နှင့် စိတ်ဓာတ်စစ်ဆင်ရေးညွှန်ကြားရေးမှူးရုံး ကွပ်ကဲမှုအောက် မြဝတီတေးဂီတအဖွဲ့တို့မှ အနုပညာရှင်များက နှစ်နိုင်ငံတေးသီချင်းများ၊ မြန်မာ့ရိုးရာယဉ်ကျေးမှုနှင့် ဓလေ့ထုံးတမ်းစဉ်လာများကို    ဖော်ကြူးထားသည့် တေးသရုပ်ဖော်များ၊ အကအလှများဖြင့် ဖျော်ဖြေတင်ဆက်ခဲ့ကြသည်။

ဂုဏ်ပြုဖျော်ဖြေပွဲအပြီးတွင် ဘယ်လာရုစ်သမ္မတနိုင်ငံသမ္မတနှင့် နိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌတို့သည် ဖျော်ဖြေရေးအဖွဲ့ဝင်များအား   ဂုဏ်ပြုပန်းခြင်းများ ပေးအပ်ချီးမြှင့်ပြီး အဖွဲ့ဝင်များနှင့်အတူ အမှတ်တရစုပေါင်းမှတ်တမ်းတင်ဓာတ်ပုံရိုက်ခဲ့ကြသည်။