တပ္မေတာ္ကာကြယ္ေရးဦးစီးခ်ဳပ္ ဗုိလ္ခ်ဳပ္မွဴးႀကီး မင္းေအာင္လႈိင္ ျပင္ဦးလြင္ၿမိဳ႕ရွိ စုိက္ပ်ိဳးေရးလုပ္ငန္းရွင္ မ်ားႏွင့္ေတြ႕ဆုံ၊ ျပင္ဦးလြင္နန္းၿမိဳင္ေကာ္ဖီစက္႐ုံအား ၾကည့္႐ႈ စစ္ေဆး

ေနျပည္ေတာ္၊ ဧၿပီ ၂၇

တပ္မေတာ္ကာကြယ္ေရးဦးစီးခ်ဳပ္ ဗုိလ္ခ်ဳပ္မွဴးႀကီး မင္းေအာင္လႈိင္သည္ ကာကြယ္ေရးဦးစီးခ်ဳပ္(ေလ) ဗုိလ္ခ်ဳပ္ႀကီး ေမာင္ေမာင္ေက်ာ္၊ ကာကြယ္ေရးဦးစီးခ်ဳပ္႐ုံး မွ တပ္မေတာ္အရာရွိႀကီးမ်ား၊ အလယ္ပုိင္းတုိင္း စစ္ဌာနခ်ဳပ္တုိင္းမွဴးႏွင့္ ျပင္ဦးလြင္တပ္နယ္မွ တပ္မေတာ္အရာရွိႀကီးမ်ားလုိက္ပါၿပီး ယေန႔ညေနပုိင္းတြင္ ျပင္ဦးလြင္ၿမိဳ႕ရွိ စုိက္ပ်ိဳးေရးလုပ္ငန္းရွင္မ်ားႏွင့္ေရႊပုဇြန္ေကာ္ဖီၿခံ၌ေတြ႕ဆုံသည္။

ထုိသုိ႔ေတြ႕ဆုံစဥ္တပ္မေတာ္ကာကြယ္ေရးဦးစီးခ်ဳပ္က ႏုိင္ငံတစ္ခု၏ စီးပြားေရး ဖြံ႕ၿဖိဳးတုိးတက္ေရးအတြက္ အဓိကလုိအပ္ခ်က္မွာ ႏုိင္ငံတကာေစ်းကြက္၀င္ထုတ္ကုန္ ပစၥည္းရွိရန္လုိေၾကာင္း၊ ၎တုိ႔အနက္ ေကာ္ဖီ စုိက္ပ်ိဳး၍ထုတ္လုပ္ေရာင္းခ်ျခင္းမွာလည္း တစ္ခုအပါအ၀င္ျဖစ္ေၾကာင္း၊ ထုိ႔ေၾကာင့္ျပည္ပသုိ႔တင္ပုိ႔ႏုိင္ရန္ အတြက္ အရည္အေသြးျပည့္မီသည့္ေကာ္ဖီမ်ားထုတ္လုပ္ႏုိင္ေရး လုိအပ္သည့္သတင္းအခ်က္အလက္မ်ား ရရွိႏုိင္ရန္ ယခုကဲ့သုိ႔ေတြ႕ဆုံျခင္းျဖစ္ေၾကာင္း၊ လုပ္ငန္းရွင္မ်ားအေနျဖင့္ အႀကံျပဳေဆြးေႏြးၾကေစလုိေၾကာင္း ရွင္းလင္းေျပာၾကားသည္။

ထုိ႔ေနာက္ ျမန္မာႏုိင္ငံေကာ္ဖီအသင္းဥကၠ႒ႏွင့္ ေကာ္ဖီစုိက္ပ်ိဳးေရး လုပ္ငန္းရွင္မ်ားက ေကာ္ဖီစုိက္ပ်ိဳး ထုတ္လုပ္ ေနမႈအေျခအေနမ်ား၊ ႀကဳံေတြ႕ေနရသည့္ အခက္အခဲမ်ား၊ ေဆာင္ရြက္ေပးေစလုိသည့္အႀကံျပဳခ်က္မ်ားအား ရွင္းလင္းတင္ျပၾကသည္။ ရွင္းလင္းတင္ျပခ်က္မ်ားအေပၚ တပ္မေတာ္ကာကြယ္ေရးဦးစီးခ်ဳပ္က လက္ရွိရရွိ ထားေသာ အရည္အေသြးအားထိန္းသိမ္း၍ အေရအတြက္တုိးတက္ေအာင္ထုတ္လုပ္ ၾကေစလုိေၾကာင္း၊ အရည္ အေသြးခ်င္းတူက ေစ်းႏႈန္းသက္သာရမည္ျဖစ္ေၾကာင္း၊ ထုိ႔အတူေစ်းႏႈန္းခ်င္းတူက အရည္အေသြးပုိမုိ ေကာင္းမြန္ရမည္ျဖစ္ေၾကာင္း၊ စုိက္ပ်ိဳးေရး လုပ္ငန္းတုိင္း၏အေျခခံလုိအပ္ခ်က္ျဖစ္ေသာ မ်ိဳး ၊ နည္းပညာ၊ ေျမႏွင့္ေရတုိ႔ကုိ စုိက္ပ်ိဳးသည့္ သီးႏွံႏွင့္ကိုက္ညီေအာင္ေဆာင္ရြက္ေစလုိေၾကာင္း၊ ဓာတုေဗဒေဆး၀ါးမ်ားသုံးစြဲ မႈကင္းရွင္းၿပီး ေအာ္ဂဲနစ္ေကာ္ဖီထုတ္လုပ္မႈကုိ ဆက္လက္ထိန္းသိမ္းသြားေစလုိ္ေၾကာင္း အႀကံျပဳေဆြးေႏြး သည္။

ထုိ႔အျပင္ ျပင္ဦးလြင္ၿမိဳ႕သည္ ႏွစ္ရွည္စုိက္ပ်ိဳးေရးႏွင့္ပတ္သက္၍ထင္ရွားသည့္ ၿမိဳ႕ျဖစ္ေၾကာင္း၊ ယခင္က မက္မန္း၊ ေထာပတ္၊ ေကာ္ဖီ၊ မုန္လာဥနီ၊ ေမၿမိဳ႕ပန္းတုိ႔သည္ ထင္ရွား သည့္စုိက္ပ်ိဳးေရး ထုတ္ကုန္မ်ား ျဖစ္ေၾကာင္း၊ အဆုိပါထုတ္ကုန္မ်ားအားအရည္အေသြး ေကာင္းမြန္တုိးတက္ေအာင္ ျပန္လည္သုေတသနျပဳ စုိက္ပ်ိဳးေစလိုေၾကာင္း၊ ျမန္မာႏုိင္ငံတြင္ပန္းမ်ိဳးစုံႏွင့္ပတ္သက္၍ ပင္ေလာင္း၊ ကေလာ-ေအာင္ပန္းေဒသ၊ ျပင္ဦးလြင္ေဒသႏွင့္ လား႐ိႈးေဒသမ်ားတြင္ ပန္းမ်ားစုိက္ပ်ိဳးထုတ္လုပ္လ်က္ရွိေသာ္လည္း ယခုအခါတြင္ ျပည္ပမွ ပန္းမ်ိဳးစုံ၀င္ေရာက္လာျခင္းေၾကာင့္ ေဒသထြက္ပန္းမ်ားေစ်းကြက္၌ ေစ်းႏႈန္းက်ဆင္းလာသျဖင့္ ေဒသထြက္ ပန္းမ်ားအား ျပည္ပမွပန္းမ်ားထက္ အပြင့္လွပျခင္းႏွင့္အေမႊးရနံ႕ ပုိမုိသာလြန္ေအာင္ သုေတသနျပဳ ေဆာင္ရြက္ ေစလုိ ေၾကာင္းအႀကံျပဳေျပာၾကားခဲ့သည္။

ယင္းေနာက္တပ္မေတာ္ကာကြယ္ေရးဦးစီးခ်ဳပ္ႏွင့္အဖြဲ႕၀င္မ်ားသည္ ျမန္မာစီးပြားေရးေကာ္ပုိေရးရွင္း၊ ျပင္ဦးလြင္ နန္းၿမိဳင္ေကာ္ဖီစက္႐ုံသုိ႔သြားေရာက္ ၾကည့္႐ႈစစ္ေဆးသည္။ ဦးစြာ စက္႐ုံမွဴးကနန္းၿမိဳင္ေကာ္ဖီစက္႐ုံမွ ေကာ္ဖီ ထုတ္လုပ္ေနမႈအေျခအေနမ်ားႏွင့္ ေရာင္းခ်ေပးႏုိင္မႈအေျခအေနမ်ား၊ စက္႐ုံမွအသုံးျပဳလ်က္ရွိသည့္ေကာ္ဖီ ထုတ္လုပ္သည့္စက္ပစၥည္းမ်ားအသုံးျပဳမႈအေျခအေနမ်ားကုိရွင္းလင္းတင္ျပသည္။

ရွင္းလင္းတင္ျပမႈအေပၚ တပ္မေတာ္ကာကြယ္ေရးဦးစီးခ်ဳပ္က တပ္မေတာ္ရိကၡာေပးသြင္းမႈအျပင္ ျပင္ပသုိ႔ သက္သာေသာေစ်းျဖင့္ေရာင္းခ်၍ ႏုိင္ငံ့စီးပြားေရး ကုိတစ္ဖက္တစ္လမ္းမွ အေထာက္အကူျပဳႏုိင္ေအာင္ ေဆာင္ရြက္ေရး၊ ထုတ္ကုန္ပစၥည္း၏ အရည္အေသြးအားစဥ္ဆက္မျပတ္ထိန္းသိမ္းေရး၊ ေစ်းကြက္အား စဥ္ဆက္ မျပတ္ေလ့လာၿပီး ေစ်းကြက္လုိအပ္ခ်က္ႏွင့္အညီ ထုတ္လုပ္ႏုိင္ေရးမွာၾကားသည္။

၎ေနာက္တပ္မေတာ္ကာကြယ္ေရးဦးစီးခ်ဳပ္ႏွင့္အဖြဲ႕၀င္မ်ားသည္ စက္႐ုံအတြင္း ေကာ္ဖီထုတ္လုပ္ေနမႈမ်ား အားၾကည့္႐ႈစစ္ေဆးရာ တာ၀န္ရွိသူမ်ားကရွင္းလင္းတင္ျပၾကသည္။ အဆုိပါျပင္ဦးလြင္နန္းၿမိဳင္ေကာ္ဖီစက္႐ုံမွ သန္႔ရွင္းလတ္ဆတ္ၿပီး အရည္အေသြးျပည့္၀ေသာ ေကာ္ဖီမႈန္႔စစ္စစ္မ်ားအားထုတ္လုပ္၍ တပ္မေတာ္ရိကၡာ အတြက္ လုိ္အပ္သည့္ေကာ္ဖီမႈန္႔မ်ားအားေထာက္ပံ့ျဖည့္ဆည္းေပးရန္ႏွင့္ ျပည္တြင္း၊ ျပည္ပေစ်း ကြက္သုိ႔ အရည္အေသြးျပည့္၀ၿပီး ေစ်းႏႈန္းခ်ိဳသာေသာ ေကာ္ဖီမႈန္႔စစ္စစ္မ်ားေစ်းကြက္ လုိအပ္ခ်က္မ်ားႏွင့္အညီ ျဖန္႔ျဖဴး ေဆာင္ရြက္လ်က္ရွိသည္။

 

(Unicode Version )

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ပြင်ဦးလွင်မြို့ရှိ စိုက်ပျိုးရေးလုပ်ငန်းရှင် များနှင့်တွေ့ဆုံ၊ ပြင်ဦးလွင်နန်းမြိုင်ကော်ဖီစက်ရုံအား ကြည့်ရှု စစ်ဆေး

နေပြည်တော်၊ ဧပြီ ၂၇

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ကာကွယ်ရေးဦးစီးချုပ်(လေ) ဗိုလ်ချုပ်ကြီး မောင်မောင်ကျော်၊ ကာကွယ်ရေးဦးစီးချုပ်ရုံး မှ တပ်မတော်အရာရှိကြီးများ၊ အလယ်ပိုင်းတိုင်း စစ်ဌာနချုပ်တိုင်းမှူးနှင့် ပြင်ဦးလွင်တပ်နယ်မှ တပ်မတော်အရာရှိကြီးများလိုက်ပါပြီး ယနေ့ညနေပိုင်းတွင် ပြင်ဦးလွင်မြို့ရှိ စိုက်ပျိုးရေးလုပ်ငန်းရှင်များနှင့်ရွှေပုဇွန်ကော်ဖီခြံ၌တွေ့ဆုံသည်။

ထိုသို့တွေ့ဆုံစဉ်တပ်မတော်ကာကွယ်ရေးဦးစီးချုပ်က နိုင်ငံတစ်ခု၏ စီးပွားရေး ဖွံ့ဖြိုးတိုးတက်ရေးအတွက် အဓိကလိုအပ်ချက်မှာ နိုင်ငံတကာစျေးကွက်ဝင်ထုတ်ကုန် ပစ္စည်းရှိရန်လိုကြောင်း၊ ၎င်းတို့အနက် ကော်ဖီ စိုက်ပျိုး၍ထုတ်လုပ်ရောင်းချခြင်းမှာလည်း တစ်ခုအပါအဝင်ဖြစ်ကြောင်း၊ ထို့ကြောင့်ပြည်ပသို့တင်ပို့နိုင်ရန် အတွက် အရည်အသွေးပြည့်မီသည့်ကော်ဖီများထုတ်လုပ်နိုင်ရေး လိုအပ်သည့်သတင်းအချက်အလက်များ ရရှိနိုင်ရန် ယခုကဲ့သို့တွေ့ဆုံခြင်းဖြစ်ကြောင်း၊ လုပ်ငန်းရှင်များအနေဖြင့် အကြံပြုဆွေးနွေးကြစေလိုကြောင်း ရှင်းလင်းပြောကြားသည်။

ထို့နောက် မြန်မာနိုင်ငံကော်ဖီအသင်းဥက္ကဋ္ဌနှင့် ကော်ဖီစိုက်ပျိုးရေး လုပ်ငန်းရှင်များက ကော်ဖီစိုက်ပျိုး ထုတ်လုပ် နေမှုအခြေအနေများ၊ ကြုံတွေ့နေရသည့် အခက်အခဲများ၊ ဆောင်ရွက်ပေးစေလိုသည့်အကြံပြုချက်များအား ရှင်းလင်းတင်ပြကြသည်။ ရှင်းလင်းတင်ပြချက်များအပေါ် တပ်မတော်ကာကွယ်ရေးဦးစီးချုပ်က လက်ရှိရရှိ ထားသော အရည်အသွေးအားထိန်းသိမ်း၍ အရေအတွက်တိုးတက်အောင်ထုတ်လုပ် ကြစေလိုကြောင်း၊ အရည် အသွေးချင်းတူက စျေးနှုန်းသက်သာရမည်ဖြစ်ကြောင်း၊ ထို့အတူစျေးနှုန်းချင်းတူက အရည်အသွေးပိုမို ကောင်းမွန်ရမည်ဖြစ်ကြောင်း၊ စိုက်ပျိုးရေး လုပ်ငန်းတိုင်း၏အခြေခံလိုအပ်ချက်ဖြစ်သော မျိုး ၊ နည်းပညာ၊ မြေနှင့်ရေတို့ကို စိုက်ပျိုးသည့် သီးနှံနှင့်ကိုက်ညီအောင်ဆောင်ရွက်စေလိုကြောင်း၊ ဓာတုဗေဒဆေးဝါးများသုံးစွဲ မှုကင်းရှင်းပြီး အော်ဂဲနစ်ကော်ဖီထုတ်လုပ်မှုကို ဆက်လက်ထိန်းသိမ်းသွားစေလို်ကြောင်း အကြံပြုဆွေးနွေး သည်။

ထို့အပြင် ပြင်ဦးလွင်မြို့သည် နှစ်ရှည်စိုက်ပျိုးရေးနှင့်ပတ်သက်၍ထင်ရှားသည့် မြို့ဖြစ်ကြောင်း၊ ယခင်က မက်မန်း၊ ထောပတ်၊ ကော်ဖီ၊ မုန်လာဥနီ၊ မေမြို့ပန်းတို့သည် ထင်ရှား သည့်စိုက်ပျိုးရေး ထုတ်ကုန်များ ဖြစ်ကြောင်း၊ အဆိုပါထုတ်ကုန်များအားအရည်အသွေး ကောင်းမွန်တိုးတက်အောင် ပြန်လည်သုတေသနပြု စိုက်ပျိုးစေလိုကြောင်း၊ မြန်မာနိုင်ငံတွင်ပန်းမျိုးစုံနှင့်ပတ်သက်၍ ပင်လောင်း၊ ကလော-အောင်ပန်းဒေသ၊ ပြင်ဦးလွင်ဒေသနှင့် လားရှိုးဒေသများတွင် ပန်းများစိုက်ပျိုးထုတ်လုပ်လျက်ရှိသော်လည်း ယခုအခါတွင် ပြည်ပမှ ပန်းမျိုးစုံဝင်ရောက်လာခြင်းကြောင့် ဒေသထွက်ပန်းများစျေးကွက်၌ စျေးနှုန်းကျဆင်းလာသဖြင့် ဒေသထွက် ပန်းများအား ပြည်ပမှပန်းများထက် အပွင့်လှပခြင်းနှင့်အမွှေးရနံ့ ပိုမိုသာလွန်အောင် သုတေသနပြု ဆောင်ရွက် စေလို ကြောင်းအကြံပြုပြောကြားခဲ့သည်။

ယင်းနောက်တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် မြန်မာစီးပွားရေးကော်ပိုရေးရှင်း၊ ပြင်ဦးလွင် နန်းမြိုင်ကော်ဖီစက်ရုံသို့သွားရောက် ကြည့်ရှုစစ်ဆေးသည်။ ဦးစွာ စက်ရုံမှူးကနန်းမြိုင်ကော်ဖီစက်ရုံမှ ကော်ဖီ ထုတ်လုပ်နေမှုအခြေအနေများနှင့် ရောင်းချပေးနိုင်မှုအခြေအနေများ၊ စက်ရုံမှအသုံးပြုလျက်ရှိသည့်ကော်ဖီ ထုတ်လုပ်သည့်စက်ပစ္စည်းများအသုံးပြုမှုအခြေအနေများကိုရှင်းလင်းတင်ပြသည်။

ရှင်းလင်းတင်ပြမှုအပေါ် တပ်မတော်ကာကွယ်ရေးဦးစီးချုပ်က တပ်မတော်ရိက္ခာပေးသွင်းမှုအပြင် ပြင်ပသို့ သက်သာသောစျေးဖြင့်ရောင်းချ၍ နိုင်ငံ့စီးပွားရေး ကိုတစ်ဖက်တစ်လမ်းမှ အထောက်အကူပြုနိုင်အောင် ဆောင်ရွက်ရေး၊ ထုတ်ကုန်ပစ္စည်း၏ အရည်အသွေးအားစဉ်ဆက်မပြတ်ထိန်းသိမ်းရေး၊ စျေးကွက်အား စဉ်ဆက် မပြတ်လေ့လာပြီး စျေးကွက်လိုအပ်ချက်နှင့်အညီ ထုတ်လုပ်နိုင်ရေးမှာကြားသည်။

၎င်းနောက်တပ်မတော်ကာကွယ်ရေးဦးစီးချုပ်နှင့်အဖွဲ့ဝင်များသည် စက်ရုံအတွင်း ကော်ဖီထုတ်လုပ်နေမှုများ အားကြည့်ရှုစစ်ဆေးရာ တာဝန်ရှိသူများကရှင်းလင်းတင်ပြကြသည်။ အဆိုပါပြင်ဦးလွင်နန်းမြိုင်ကော်ဖီစက်ရုံမှ သန့်ရှင်းလတ်ဆတ်ပြီး အရည်အသွေးပြည့်ဝသော ကော်ဖီမှုန့်စစ်စစ်များအားထုတ်လုပ်၍ တပ်မတော်ရိက္ခာ အတွက် လို်အပ်သည့်ကော်ဖီမှုန့်များအားထောက်ပံ့ဖြည့်ဆည်းပေးရန်နှင့် ပြည်တွင်း၊ ပြည်ပစျေး ကွက်သို့ အရည်အသွေးပြည့်ဝပြီး စျေးနှုန်းချိုသာသော ကော်ဖီမှုန့်စစ်စစ်များစျေးကွက် လိုအပ်ချက်များနှင့်အညီ ဖြန့်ဖြူး ဆောင်ရွက်လျက်ရှိသည်။

ဖတ္သင့္ေသာ သတင္းမ်ား

ျပန္စာထားခဲ့ပါ။

သင့္ email လိပ္စာကို ေဖာ္ျပမည္ မဟုတ္ပါ။ လိုအပ္ေသာ ကြက္လပ္မ်ားကို * ျဖင့္ ေဖာ္ျပထားပါသည္။